Kabanata II
Mga Kaugnay na literatura at pag-aaral
Sa bahaging ito matatagpuan ang iba’t ibang literatura at pag-aaral na may kaugnayan sa pananaliksik na
ito.
Mga kaugnay na literatura
Wika sa likod ng teknolohiya.” Ayon sa ulat ni Fidel R. Jimenez,(December 2015) GMA News,
sinasabing may mga salitang naibaon na sa limot, may ‘di na mauunawaan ng karamihan, may
umuusbong, may bumabalik ngunit may iba ng pakahulugan. Gaya ng mga gamit sa katawan,
sumasabay din daw sa uso ang wikang Filipino. At kahit nagkakaroon ng mga pagbabago sa
ating wika, patuloy nitong pinag-uugnay ang mga Pinoy kahit saan man at kahit ano man ang
kanilang katayuan. Sa pag-usbong ng modernong teknolohiya, at mga bagong paraan ng
komunikasyon tulad ng text messaging at social media, hindi maiiwasan na may mga sinaunang
salita na nababaon na sa limot o nalilipasan na ng panahon.
Ang isang titulo ay mas nagiging kaaya-aya kung ito ay makakatawag-pansin sa makakabasa
nito. Nais naming gawing simple ang titulo ng adbokasiyang ito upang hindi magbigay kalituhan
sa mambabasa. Naisip namin ang titulong “Wika sa likod ng teknolohiya sapagkat nais naming
bigyang-pansin ang mga suliraning nagaganap sa pagbabago ng ating wika, gayundin ang mga
wikang umusbong sa pamamagitan ng teknolohiya at madalas gamitin ng mga mag-aaral
ngayon.
Ang paksang ito ay tumatalakay sa masama at mabuting epekto ng teknolohiya sa mga
kabataan, lalo na sa mga mag-aaral. Ang mga halimbawa ay aming nasaliksik upang maging
patunay na totoong malaki ang nagiging epekto ng teknolohiya sa ating mga mag-aaral at sa
lahat ng gumagamit nito. Una ay ang pagteteks. Ang wika at pagteteks ay dalawang bagay na
madalas na ginagamit at pinagsasama ng mga kabataan ngayon. Ang pagteteks ay inimbento
upang padaliin ang komunikasyon ng mga tao sa isa’t-isa kahit pa nasa dalawang magkalayong
lugar sila. Ngunit sa halip na makatulong ay mukhang maraming masamang naidudulot ito lalo
na sa larangan ng pagsulat. Madalas ay nakakalimutan na nila ang tunay na pagbaybay sa
ibang mga salita, ingles man o filipino, dahil nasanay na sila sa paggamit nito sa paraan ng
pagteteks. Nangangamba na ang mga guro na dahil sa pagteteks ay lalo pang humina ang mga
estudyante pagdating sa larangan ng pagsulat at lalong lumiit ang kanilang kaalaman ukol dito.
Ngunit kung gagamitin lamang daw natin ng may disiplina ang pagteteks ay magagawa pa din
nating irespeto ang ating wika. Ang isa pang halimbawa ay ang paggamit ng “blog.” Hindi natin
maikakaila na ang Internet ay isang penomena na naging kaakibat ng isang makabagong
kultura.
Mulasa pinaiksing web log, ang blog ay isang online journal kung saan ang isang manggagamit
(tinatawag din na blogger) ay malayang magsulat ng kahit anong ninanais niya tungkol sa mga
bagay-bagay na nasa kanyang mga alapaap ng karanasan. Nasasalamin ng mga iba’t-ibang uri
ng blog ang mga katangian ng mga kabataang Pilipino. Hindi lang ito nagiging isang uri ng
komunikasyon kung hindi pag-a-arkibo ng iba’t-ibang uri ng mga pangyayari at iba pang kultural
na kaganapan. Nagiging mas mahalaga ang papel ng mga kabataan kahit sa labas ng
akademiya at ng kanilang paaralan.
